Local

නත්තල හා පෝය වෙනුවෙන් 25 හා 26 සුරාසැල් වැසේ

Saturday, 23 December 2023 - 7:40 pm

ලබන 25 සහ 26 යන දින දෙකේදී දිවයින පුරා පිහිටි මත්පැන් විකිණීමේ සුරාබදු බලපත්‍රලත් ස්ථාන වසා තැබීමට සුරාබදු කොමසාරිස් ජනරාල්වරයා විසින් නියෝග කර තිබෙනවා.

ඒ එම දිනවලට යෙදෙන නත්තල් දිනය හා උඳුවප් පුර පසළොස්වක පොහොය දිනය හේතු‍වෙනි.

නත්තල් දිනය වෙනුවෙන් එළඹෙන 25 වැනිදා සුරාසැල් වැසෙන නමුත්, මත්පැන් විකිණීම සඳහා සුරාබදු බලපත්‍ර ලත් ශ්‍රී ලංකා සංචාරක සංවර්ධන අධිකාරියේ අනුමැතිය ලද තරු පන්තියට අයත් හෝටල සම්බන්ධයෙන් එම නියෝගය බල නොපැවැත්වෙන බවද ඔහු පවසනවා.

කෙසේ වෙතත් 26 වැනිදාට යෙදී ඇති උඳුවප් පුර පසළොස්වක පොහොය දිනයට ශ්‍රී ලංකා සංචාරක සංවර්ධන අධිකාරියේ අනුමැතිය ලද සියලුම ආයතන සම්බන්ධයෙන් ද අදාළ නියෝගය එක ලෙස බල පැවැත්වෙන බවයි වැඩිදුරටත් දැක්වෙන්නේ.