මුහුදුබඩ දුම්රිය මාර්ගයේ දුම්රිය කාලසටහන අද (01) දිනයේ සිට සංශෝධනය කෙරෙන බව දුම්රිය දෙපාර්තමේන්තුව පවසනවා.

ඒ අනුව මෙතෙක් මාතර දුම්රිය ස්ථානයෙන් ගමන් ආරම්භ කළ රුහුණු කුමාරි දුම්රිය අද සි‍ට පෙරවරු 5.25ට බෙලිඅත්ත දුම්රිය ස්ථානයේ සිට ගමන් ආරම්භ කරන අතර, සතියේ දිනවල පමණක් ධාවනය වු සාගරිකා ශීඝ්‍රගාමී දුම්රිය සෙනසුරාදා දිනයේ ද ධාවනය කිරීමට නියමිතව තිබෙනවා.

එසේම, සතියේ දිනවල රාත්‍රී 8.35ට මරදාන සිට දකුණු පයාගල දක්වා ධාවනය වන දුම්රිය අද දිනයේ සිට අලුත්ගම දක්වා ගමනාන්තය දීර්ඝ කර ඇති බවත්, පස්වරු 2 ට මරදානේ සිට අලුත්ගම දක්වා ධාවනය වන දුම්රිය අද දිනයේ සිට පස්වරු 1.55 ට මරදානේ සිට අලුත්ගම දක්වා ධාවනය කිරිමට නියමිත බවත් දුම්රිය දෙපාර්තමේන්තුව වැඩිදුරටත් සඳහන් කරනවා.

දුම්රිය කාලසටහනෙහි සිදුවන මෙම සංශෝධන සති දෙකක කාලයක් අත්හදා බැලීමෙන් පසුව අඛණ්ඩ ක්‍රියාත්මක ක්‍රියාත්මක කරන්නේ ද නැද්ද යන්න සම්බන්ධයෙන් අවසන් තීරණයක් ගන්නා බවයි දුම්රිය නියෝජ්‍ය සාමාන්‍යාධිකාරි එන්.ජේ. ඉඳිපොළගේ පවසන්නේ.