Local

කටුනායක ගුවන් තොටුපොළේ සියලුම ආගමන විගමන කවුළුවලට මුහුණ හඳුනා ගැනීමේ ආරක්ෂක කැමරා

Friday, 06 June 2025 - 9:35 pm

කටුනායක ජාත්‍යන්තර ගුවන් තොටුපොළේ සියලුම ආගමන විගමන කවුළු සඳහා මුහුණු හඳුනාගැනීමේ කැමරා සවි කිරීමට මහජන ආරක්ෂක හා පාර්ලිමේන්තු කටයුතු අමාත්‍යංශය තීරණය කර තිබෙනවා.

දැනට එහි ආරක්ෂක කැමරා සවිකර ඇත්තේ කවුළු 08 ක පමණක් බවත්, මෙම වැඩපිළිවෙළ යටතේ පොලීසිය මැදිහත්ව ආගමන විගමන කවුලු 30කට එම ආරක්ෂිත උපාංග සවිකරන බවයි අමාත්‍ය ආනන්ද විජේපාල සඳහන් කළේ.

එමගින් සංවිධානාත්මක අපරාධකරුවන්, වරෙන්තුකරුවන් හා අපරාධ වලට සම්බන්ධ පුද්ගලයින් විදේශගත වීම හා විදේශවල සිට පැමිණීමේදී හඳුනා ගැනීම සිදු කළ හැකි බවද, මෙම කැමරා අපරාධ පරීක්ෂණ දෙපාර්තමේන්තුව විසින් පැය 24 පුරා අධීක්ෂණය කරන බවද අමාත්‍යවරයා ප්‍රකාශ කර සිටියා.