ජීවිත ආරක්ෂාවට එක් අයෙකුට එක් ගිනිඅවියක් පමණයි -ආරක්ෂක අමාත්‍යාංශය
Wednesday, 04 December 2024 - 8:00 pm
පුද්ගලයෙකුගේ ජීවිත ආරක්ෂාව සඳහා එක් ගිනිඅවියක් පමණක් ලබාදීමට තීරණය කර ඇති බව ආරක්ෂක අමාත්‍යාංශය පවසනවා.
ගිනිඅවි සම්බන්ධයෙන් සිදුකළ සමීක්ෂණයකින් අනතුරුව එම පියවර ගත් බවයි ආරක්ෂක අමාත්‍යාංශය සඳහන් කළේ.
එක් පුද්ගලයෙකු සඳහා එක් ගිනිඅවියකට වැඩියෙන් භාවිත කිරීමට අවශ්‍ය වන්නේ නම්, ඒ සම්බන්ධයෙන් ආරක්ෂක විශ්ලේෂණයක් සිදුකර අවශ්‍ය ක්‍රියාමාර්ග ගැනීමට නියමිතව තිබෙනවා.
කෙසේවෙතත් එම විශ්ලේෂණයෙන් අනතුරුව තවත් ගිනිඅවියක් නිකුත් කරන්නේ ද? නැද්ද? යන්න අවසන් තීරණය ගැනීම ආරක්ෂක අමාත්‍යාංශය සතු වන බව සඳහන්.
සිවිල් පුද්ගලයින්ට නිකුත් කර ඇති ගිනිඅවි සම්බන්ධයෙන් වන සමීක්ෂණ මේ වන විට ආරක්ෂක අමාත්‍යාංශ පරිශ්‍රයේ දී සිදුකෙරෙනවා.
සිවිල් පුද්ගලයින් සඳහා ගිනිඅවි 1,500කට වැඩි ප්‍රමාණයක් නිකුත් කර ඇති අතර ඇතැම් පුද්ගලයින්ට එක් ගිනිඅවියකට වඩා වැඩි සංඛ්‍යාවක් නිකුත් කර ඇති බවට ද තොරුතුරු අනාවරණය වී තිබෙනවා.
සිවිල් පුද්ගලයින්ට නිකුත් කර ඇති ගිනිඅවි යළි ලබා දෙන ලෙස මීට පෙර ආරක්ෂක අමාත්‍යංශය දැනුම් දී තිබුණා.
.webp)
