Local

රාත්‍රි සමාජ ශාලා ගැටුමට සම්බන්ධ සැකකරුවන් සිව්දෙනෙකු භාරවෙයි

Wednesday, 26 March 2025 - 9:57 pm

කොළඹ යුනියන් පෙදෙසේ රාත්‍රි සමාජ ශාලාවක ඇතිවූ ගැටුමට සම්බන්ධ සැකකරුවන් සිව්දෙනෙකු කොළඹ මධ්‍යම අපරාධ විමර්ශන කාර්යාංශයට භාර වී තිබෙනවා.

ඒ අනුව, මේ වනවිට අදාළ සැකකරුවන්ගෙන් ප්‍රකාශ සටහන් කර ගනිමින් සිටින බවයි පැවසෙන්නේ.

මෙම සිද්ධිය සම්බන්ධයෙන් ඊයේ (25) දිනයේදී පැය තුනකට ආසන්න කාලයක් කොම්පඤ්ඤ වීදිය පොලිසිය විසින් යෝෂිත රාජපක්ෂගෙන් ප්‍රකාශ සටහන් කරගෙන තිබුණා.

රාත්‍රි සමාජ ශාලාවේ ඇතිවූ ගැටුමට අදාළව සැකකරුවන් තිදෙනෙක් පොලීසිය විසින් හඳුනාගෙන තිබුණු බවයි සඳහන් වන්නේ.

එම ගැටුමෙන් අදාළ ස්ථානයේ සිටි ආරක්ෂක නිලධාරියෙකු පහරකෑමට ලක්ව තිබුණු අතර, එහිදී තුවාල ලැබූ ඔහු මේ වනවිට කොළඹ පෞද්ගලික රෝහලක ප්‍රතිකාර ලබමින් සිටිනවා.