56 විප්ලවය ප්‍රතිනිර්මාණය කරන අයුරු දිලිත් කියයි
Sunday, 20 October 2024 - 10:10 pm
1956 වසරේ බණ්ඩාරනායක විප්ලවය, සර්වජන බලය විසින් යළි ප්‍රතිනිර්මාණය කරන බව සර්වජන බලයේ නායක, ව්‍යවසායක දිලිත් ජයවීර මහතා පවසයි.
ඔහු මේ අදහස් පළකළේ මහ මැතිවරණය වෙනුවෙන් සර්වජන බලය පවත්වන ජන හමු මාලාවේ තවත් අදියරක් ලෙස අද (20) හොරණ පැවති ජන හමුවක් අමතමිනි.
සර්වජන බලය බණ්ඩාරගම ප්‍රධාන සංවිධායක සංජීව කුලතිලක මහතා එය සංවිධාන කර තිබූ අතර ඊට පක්ෂ නායක ව්‍යවසායක දිලිත් ජයවීර මහතා සහ කලුතර දිස්ත්‍රික් අපේක්ෂකයින් රැසක් එක්විය.
එහිදී වැඩිදුරටත් අදහස් දැක්වූ සර්වජන බලයේ නායක, ව්‍යවසායක දිලිත් ජයවීර මහතා,
'මම සුබ ප්‍රාර්ථනා කරනවා. අපේ කාලේ දේශපාලඥයෙක් හැටියට අපි වගේ ග්‍රාමීය පරිසරයකින් ඇවිල්ලා කොයිහරි විදියකට ජනාධිපති වුණා. ඉතාම පැහැදිලිව දැන් වැඩපිළිවෙලක් නැති බව තහවුරු වෙලා තියෙන්නේ. අපේ එඩිතර විපක්ෂය ඇවිල්ලා සද්භාවයේ විපක්ෂයක්. ජනාධිපති වැටෙනතුරු බලන් ඉන්නේ නෑ. ඔහු වැටුනොත් වැටෙන්නේ අපේ මාතෘ භූමිය. ඉතින් ඒකට තියෙන එකම විසඳුම ව්‍යවසායකත්ව සංකල්පය. මේ බණ්ඩාරනායක මහත්තයා 1956 කරපු විප්ලවයේ නැවත නැගිටීම තමයි සර්වජන බලය. ඉතිහාසය යළි ලියනවා. අපි නැවත ලියනවා පරාර්ථකාමී දේශපාලනයක්. තමන්ගේ බඩ වඩා ගන්න කරන ඒ දේශපාලනය අපි අවසන් කරනවා. ඒක තමයි අපේ ප්‍රතිඥාව.'
