Local

දැන් එයාලා කියන ලොකුම බොරුව තමයි මාලිමාව බොරු කියනවා කියන බොරුව - ටිල්වින්

Friday, 02 May 2025 - 11:08 pm

මේ දිනවල විපක්ෂයේ පිරිස් විසින් කියමින් සිටින ලොකුම බොරුව “මාලිමාව බොරු කියනවා” යන බොරුව බව ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා පවසනවා.

සමාජ මාධ්‍යවල බොරු නම් වලින් පෙනී සිටින කීප දෙනෙකු මෙම බොරුව කියමින් යන්නේ අද ඔවුන්ට ජාතික ජන බලවේගයට එරෙහිව පැවසිය හැකි කිසිඳු විවේචනයක් නොමැති නිසා බවයි ඔහු පෙන්වා දුන්නේ.

ජාතික ජන බලවේගය බලයට පැමිණි පසු මහ බැංකුව කැඩුවා යැයි හෝ මහජන මුදල් හොරකම් කළා යැයි හෝ ඇමතිවරු කොමිස් ඉල්ලුවා යැයි හෝ කොමිස් ඉල්ලූ නිසා විදෙස් ආයෝජකයින් හැරී ගියා යැයි හෝ ඔවුන්ට කිව නොහැකි බ​වත්, මෙවැනි බොරු අවලාද පවසන්නට පටන්ගෙන ඇත්තේ එබැවින් බවත් ඔහු සඳහන් කළා.

ඔවුන්ගේ එම බොරුවලට ආයුෂ නොමැති බව අවධාරණය කළ ඔහු පෙන්වා දුන්නේ, ජනතාව ඔවුන්ගේ බොරු පසෙකලා රට වෙනස් කරමින් ඉදිරියට යාමට පෙළගැසී සිටින බවයි.