රට ආර්ථික අර්බුදයෙන් ගොඩගත් නායකයා ලෙස ජනපති රනිල් වික්‍රමසිංහ මහතා ඉතිහාසගතවන බවත් වැටුණු රට ගොඩනැගිය හැකි එකම නායකයා ලෙස ඉදිරි ජනාධිපතිවරණයේදි වත්මන් ජනාධිපතිවරයා පොදු අපෙක්ෂකයා ලෙස ඉදිරිපත් කළ යුතු බව එක්සත් ජාතික පක්ෂ මාතලේ ආසන සංවිධායක උජිත් අනුරාධ මහතා පවසයි.

ඒ මහතා මේ බව ප්‍රකාශ කළේ මාතලේ යටවත්ත පොල්වත්ත ප්‍රදේශයේ පැවති ජන හමුවකට එක්වෙමිනි.

වැඩිදුරටත් අදහස් දැක්වු අනුරාධ මහතා කියා සිටියේ රට වැටුණු අවස්ථාවේදි ගොඩනැගිම සදහා බාර ගන්නා ලෙස එවකට රජය විසින් ඇරයුමක් කළත් විපක්ෂයේ අද කැගහන පිරිස් ඇදන් යට හැංගි ගිය බවත් දැන් රට තරමක් හෝ ගොඩගත් අවස්ථාවේදි නැවත රට අස්ථාවර කිරිමට බලය ඉල්ලන බවද පැවසිය.

කයිය ගහන අයට රට හදන්න බැහැ.අපි ඉතිහසාය හොදට දන්න පිරිසක් ජවිපෙ විසින් 88/89 කාලයේදි රටට සිදු කළ විනාශයන් මේ රටේ බත් කන ජනතාව දන්නවා.දැන් හමුදා පොලිස් බල ඇණි සකස් කරමින් ඒ සිදු කළ දේම නැවත කරන්න අර අදිනවා.මේවා වත්මන් කාලයේ ඉන්න තරුණ පිරිස් දන්නේ නැහැ. 88/89 කාලයේ සිදු කළ මිනි මැරුම් ගැන මාතලේ සිදු කළ දේ ගැන අපි ගමක් ගෙයක් ගානේ ගිහින් කියන්න ඕන.දැන් සුදන මිනිස්සු වගේ කතා කරනවා.වර්තමාන කාලයේදි අත් හදා බල බල ඉන්න දෙයක් නැහැ.අපිට 2019 වසරේ අත් හදා බලන්න කෙනෙක් ගෙනත් රටට ඇති කළ විපත මතක තියනවානම් කයිවරු ගහන බයේ පලා යන පිරිස් ගෙනාවොත් කොහොම හිටිවිද.අපි දැක්කා විපක්ෂයේ අද ඔය කෑ ගහන ලොකු මහත්වරුන් තමන්ගේ අමාත්‍යංශයක් හරියට කළේ නැහැඑහම අහ කොහොමද රටක් පාලනය කරන්නේ යැයිද ඒ මහතා පැවසිය..

- මාතලේ මහේෂ් කිර්තිරත්න