පෙට්‍රල්, ඩීසල්, ගෑස් ඇතුළු භාණ්ඩ 100 කට අලුතින් VAT බද්ද වදිනවා - හර්ෂ
Wednesday, 22 November 2023 - 5:32 pm
මෙතෙක් එකතු කළ අගය මත පැනවෙන බදු හෙවත් වැට් බද්ද අදාළ නොවූ භාණ්ඩ අයිතම කිහිපයක් සඳහාද වැට් බද්ද අදාළ වන බව සමගි ජන බලවේගයේ පාර්ලිමේන්තු ආචාර්ය මන්ත්‍රී හර්ෂ ද සිල්වා පවසනවා.
ඒ අනුව පෙට්‍රල්, ඩීසල්, ගෑස්, සියලුම යන්ත්‍රෝපකරණ, දුරකතන, පරිගණක, වෛද්‍ය උපකරණ, පොත්, සඟරා, රූපවාහිනී යනාදී අයිතම 100ක් සඳහා වැට් බද්ද අලුතින් එක්වන බවයි මන්ත්‍රීවරයා සඳහන් කළේ.
එම අයිතම අතරින් ඇතැම් අයිතම සඳහා 15% දක්වා සහ ඇතැම් අයිතම සඳහා 18% දක්වා වැට් පැනවීමට නියමිත බවත් ඒ පිළිබඳ සවිස්තර ඇමුණුමක් අයවැය ලේඛනයට ඇතුළත් නොවීම ගැටලු සහගත බවයි පාර්ලිමේන්තු ආචාර්ය මන්ත්‍රී හර්ෂ ද සිල්වා වැඩිදුරටත් සඳහන් කළේ.
15%ක් ලෙස දැනට පවතින එකතු කළ අගය මත බද්ද හෙවත් VAT ලබන වසරේ ජනවාරි පළමුවැනිදා සිට 18%ක් දක්වා ඉහළ දැමීමට පසුගියදා කැබිනට් අනුමැතිය හිමිවුණා.
.webp)
