Local

කරාපිටිය රෝහලේ සේවකයින්ට පහර දුන් විශේෂඥ වෛද්‍යවරයා අත්අඩංගුවට

Thursday, 18 January 2024 - 3:27 pm

කනිෂ්ඨ කාර්ය මණ්ඩල සේවකයින් දෙදෙනෙකුට පහරදුන් බවට චෝදනා එල්ල වූ කරාපිටිය රෝහලේ විශේෂඥ වෛද්‍යවරයා අත්අඩංගුවට ගත් බව පොලිසිය සදහන් කරයි.

පිළිකා වාට්ටුව භාර විශේෂඥ වෙද්‍යවරයාව මෙලෙස ගාල්ල පොලිසිය විසින් අත්අඩංගුවට ගෙන තිබේ.

අත්අඩංගුවට ගත් වෛද්‍යවරයා පොලිස් ආරක්ෂාව යටතේ පෞද්ගලික රෝහලක නතරව සිටින බව වාර්තා වේ.

පෙරේදා (16) පැවැත් වූ වැඩ වර්ජනයට පිළිකා වාට්ටුවේ සේවකයින් එක් නොවන බව පවසා සිටියත් ඔවුන් වැඩ වර්ජනයට එක්වීම සම්බන්ධයෙන් වෛද්‍යවරයා සහ සේවක පිරිස අතර ඇතිවු ආරවුලක් හේතුවෙන් මෙසේ පහර දී තිබුණි.

කෙසේ වෙතත් අද(18) අලුයම 3.00සිට කණිෂ්ඨ කාර්ය මණ්ඩලයේ විස්සක පමණ පිරිසක් සේවයෙන් ඉවත්ව රෝහල ඉදිරිපිට විරෝධතාවයක නිරතවන බව වාර්තා වේ.