Local

ආනයනික සම්බා සහල් තොගයේ පළමු කොටස ඉදිරි සති දෙක තුළ දිවයිනට

Wednesday, 06 December 2023 - 3:39 pm

ඉන්දියාවෙන් ආනයනය කිරීමට නියමිත සම්බා සහල් තොගයේ පළමු කොටස ඉදිරි දෙසතිය ඇතුළත දිවයිනට ගෙන එන බව රාජ්‍ය වාණිජ විවිධ නීතිගත සංස්ථාව පවසනවා.

සම්බා සහල් මෙට්‍රික්ටොන් 50,000 ක් ගෙන්වීමට පසුගිය දා ලැබුණු කැබිනට් අනුමැතියට අනුව එම සහල් ආනයනය කරන බවයි රාජ්‍ය වාණිජ විවිධ නීතිගත සංස්ථාවේ සභාපති ආසිරි වලිසුන්දර සඳහන් කලේ.

ඊට අදාළ ටෙන්ඩර් කැඳවීම ඊයේ (11) අවසන් වූ බවයි රාජ්‍ය වාණිජ විවිධ නීතිගත සංස්ථාව වැඩිදුරටත් සඳහන් කළේ.