LOLC දිවිසවිය මානුෂීය ප්‍රයත්නය තිරසර ලෙස දිවයිනේ සමස්ත පාසල් සංඛ්‍යාවෙන් 35% වැඩි ප්‍රමාණයක් ආවරණය කරමින්, පාසල් 3500කට සහාය දක්වා කැපීපෙනෙන සන්ධිස්ථානයක් කරා ළඟා වී තිබේ. 2023 වසරේ පෙබරවාරි මාසයේ දියත් කරන ලද මෙම වැඩසටහන ක්‍රමානුකූලව සහ අඛණ්ඩව ජාතියේ යොවුන් පරපුර වෙත ප්‍රවේශ වී ඔවුන්ගේ මනස සුපෝෂිත කර ඇත. ව්‍යාපෘතියේ තුන්වැනි අදියර ක්‍රියාත්මක ෙවද්දී LOLC දිවිසවිය සිසුන් 100ත් 150ත් අතර ප්‍රමාණයක් සිටින පාසල් වෙත විශේෂ අවධානය යොමු කරනු ලැබීය. මෙම ක්‍රමෝපාය වැඩසටහනේ අරමුණ වන්නේ ඉතා අඩු වරප්‍රසාද සහිත පාසල්වලට පවා අත්‍යවශ්‍ය අධ්‍යාපන සම්පත් සඳහා ප්‍රවේශය සහතික කිරීමයි.
අත්‍යවශ්‍ය පාසල් පොත් සහ උපකරණ සිය දරුවන්ට ලබාදීමේදී මවුපියන් මුහුණදෙන අභියෝග සිහිපත් කරමින් අධ්‍යාපන අමාත්‍යාංශයේ හිටපු අතිරේක ලේකම් (පාසල් කටයුතු) නීලමනී මලවිආරච්චි මහත්මිය මෙම වැඩසටහන ඇගැයීමට ලක්කරනු ලැබීය.
“අපි අමාත්‍යාංශය හරහා සිසුන්ට පාසල් නිල ඇඳුම්, විෂය නිර්දේශ, ගුරුවරුන් සහ පෙළපොත් ලබා දුන්නද පාසල් අභ්‍යාස පොත් සහ අනෙකුත් උපකරණ ලබාදීම සඳහා මවුපිය සහාය අපේක්ෂා කරන්නෙමු. එහෙත් වර්තමාන ආර්ථික අභියෝග හමුවේ මේ ද්‍රව්‍ය සඳහා දැරීමක් සිදුකළ නොහැකි මවුපියන් මෙරටේ සිටී. පවුල්වල දරුවන් කීපදෙනෙකු සිටින මධ්‍යම පාන්තික මවුපියන්ට පවා අද ඒ දේවල් සඳහා දුෂ්කරතාවක් පවතිනවා. මේ අවස්ථාවේ LOLC හි මැදිහත්වීම ප්‍රශංසනීය වන අතර, මෙම මවුපියන්ට LOLC පිළිසරණක් බවට පත්ව ඇත. LOLC මේ සිසුන්ට සම්පූර්ණ පාසල් පැකේජයක් ලබා දෙන අතර, එමඟින් සෑම දරුවෙකුටම පන්ති කාමරය තුළ තමන්ට කිසිදු අසමානකමකින් තොරව ඉගෙනීම සඳහා සම වරප්‍රසාදයක් පවතින බව හැඟෙනු ඇත. වඩාත් වැදගත් වන්නේ සෑම සිසුවෙකුටම එක සමාන ඉහළ ප්‍රමිතියේ පොත් කට්ටලයක්, පැස්ටල්, බෑග්, පාසල් උපකරණ පෙට්ටි ආදිය ලබාදීමයි.
