Local

මත්ද්‍රව්‍ය භාවිත කරන බස් රියැදුරන් හා කොන්දොස්තරවරුන් ඇතුළු පුද්ගලයින් 8 ක් අත්අඩංගුවට

Sunday, 17 March 2024 - 4:10 pm

බස්නාහිර පළාත් බුද්ධි නිලධාරීන්ගෙන් ලද තොරතුරක් මත වේල්ලවීදිය පොලීසිය විශේෂ මෙහෙයුමක් සිදුකර තිබෙනවා.

ඒ අනුව හෙරොයින්, අයිස් මත්ද්‍රව්‍ය සහ තවත් මත්ද්‍රව්‍ය වර්ග භාවිත කරන පෞද්ගලික බස් රියදුරන් සහ කොන්දොස්තරවරුන් ඇතුළු පුද්ගලයින් 08 දෙනෙකු පමණ එහිදී අත්අඩංගුවට ගෙන ඇති බවයි පොලීසිය සඳහන් කළේ.

කොළඹ බැස්ටියන් මාවත සහ ගුණසිංහපුර බස් නැවතුම්පොළ ආශ්‍රිතව මෙම වැටලීම් සිදුකර ඇති අතර මෙහිදී මත්ද්‍රව්‍ය අලෙවි කරන පුද්ගලයෙකු ද අත්අඩංගුවට ගෙන තිබෙනවා.