Local

පළාත් පාලන මැතිවරණයේ නාමයෝජනා සකස් කිරීමේදී තරුණ හා කාන්තා නියෝජනය නියමිත ප්‍රතිශතයට තබාගත යුතුයි - පැෆ්රල් සංවිධානය

Monday, 10 March 2025 - 4:33 pm

පළාත් පාලන මැතිවරණයේ නාම යෝජනා සකස් කිරීමේදී මැතිවරණ කොමිසම විසින් ලබාදී තිබෙන නිර්දේශ මත නාම යෝජනා සැකසීමට දැඩි අවධානයක් යොමු කළ යුතු බව පැෆ්රල් සංවිධානය පවසනවා.

නාම යෝජනා සකස් කිරීමේදී තරුණ හා කාන්තා නියෝජනය අදාළ ප්‍රතිශතයන්ට අනුකූලව ඇතුළත් කිරීමට වැඩි අවධානයක් යොමු කළ යුතු බවයි එහි විධායක අධ්‍යක්ෂ රෝහණ හෙට්ටිආරච්චි සඳහන් කළේ.

ඒ අනුව නියමිත ප්‍රතිශතයන්ගෙන් තරුණ හා කාන්තා නියෝජනය ඇතුළත් නොවන නාමයෝජනා පත්‍ර ප්‍රතික්ෂේප වීමට හැකි බවද ඔහු ප්‍රකාශ කර සිටියා.

නාම යෝජනා භාර ගැනීම 17 වැනිදා උදෑසන ආරම්භ වී 20 වැනිදා අවසන් වීමට නියමිතයි.