Local

වැඩි මිලට සහල් අලෙවි කරන්නන් සොයා පාරිභෝගික අධිකාරියෙන් මෙහෙයුම්

Saturday, 15 March 2025 - 1:08 pm

සහල් සඳහා පනවා ඇති පාලන මිල ඉවත් කර නැති බව පාරිභෝගික කටයුතු පිළිබඳ අධිකාරිය පවසනවා.

ඒ අනුව වැඩි මිලට සහල් අලෙවි කරන වෙළෙඳසැල් වැටලීම තවදුරටත් සිදු කරන බවයි එම අධිකාරිය සඳහන් කළේ.

සහල් සඳහා නිකුත් කර ඇති මිල ගණන් වෙනස් කර ඇති බවට සිල්ලර වෙළෙඳුන්ට ප්‍රකාශ කරමින් වැඩි මිලට සහල් අලෙවි කිරීමට ඇතැම් වී මෝල් හිමියන් කටයුතු කරන බවට තොරතුරු වාර්තාවී ඇති බවයි එම අධිකාරිය වැඩිදුරටත් ප්‍රකාශ කළේ.