Local

අඟහරු ලෝකෙට යන්න අපේ පියුමි තෝරාගනී

Friday, 19 April 2024 - 7:45 am

පුහුණුවක් සඳහා අඟහරු ග්‍රහයා වෙත යෑමට නියමිත විද්‍යාඥයන්ගේ කණ්ඩායමට අමෙරිකා එක්සත් ජනපදයේ නාසා ආයතනය විසින් ශ්‍රී ලාංකික තරුණියක වන පියුමි විජේසේකර තෝරාගෙන තිබේ. ඔවුන් ඒ සඳහා සිව් දෙනකුගෙන් සමන්විත කණ්ඩායමක් තෝරාගෙන ඇති අතර, ඒ අතරට පියුමි විජේසේකර ද ඇතුළත් කරගෙන තිබේ.

අඟහරු ලෝකයේ වාසස්ථානයක් අනුකරණය කරමින් අමෙරිකාවේ හූස්ටන්හි ජොන්සන් අභ්‍යවකාශ මධ්‍යස්ථානය තුළ සිදුකෙරෙන මෙහෙයුමකට මෙම කණ්ඩායම සහභාගි වන අතර, ස්වේච්ඡා සේවකයන් හතර දෙනකුගෙන් යුත් කාර්ය මණ්ඩලයක් මෙලෙස තෝරාගෙන ඇත. ඒ පියුමි විජේසේකරට අමතරව ජේසන් ලී, ස්ටෙෆනී නවාරෝ, ෂරීෆ් අල් රොමේති යන අය එළඹෙන මැයි මස 10 වැනිදා නාසා ඒජන්සියේ HERA නමින් හැඳින්වෙන අංශය වෙත පිවිසෙනු ඇත. එම අංශය වෙත පිවිසීමෙන් පසුව එම කණ්ඩායම දින 45ක් අඟහරු වෙත ගිය ගගනගාමීහු මෙන් ජීවත් වෙති.

කාර්ය මණ්ඩලය ‘යළි පෘථිවියට පැමිණීම’ සටහන් කිරීමෙන් පසු ජුනි 24 වැනි දින ඔවුන්ට අදාළ පරිශ්‍රයෙන් පිටව යෑමට හැකි වන අතර, ජොස් බැකා සහ බ්‍රැන්ඩන් කෙන්ට් මෙම මෙහෙයුමේ විකල්ප කාර්ය මණ්ඩල සාමාජිකයන් වේ. නාසා ආයතනය සඳ, අඟහරු සහ ඉන් ඔබ්බට ගැඹුරු අභ්‍යවකාශ මෙහෙයුම් සඳහා ගගනගාමීන් යැවීමට පෙර කාර්ය මණ්ඩල සාමාජිකයන්ට හුදෙකලාවට හුරු වීම සහ දුරස්ථ තත්ත්වයන්ට අනුගත වන ආකාරය අධ්‍යයනය කිරීමට HERA ඔස්සේ විද්‍යාඥයන්ට පුහුණුව ලබාදෙයි.

ඊට විද්‍යාත්මක පර්යේෂණ සහ මෙහෙයුම් කාර්යයන් සේම අඟහරු මත ඇවිදීම වැනි පුහුණු කිරීම් ද ඇතුළත් වන අතර, පියුමි විජේසේකර කැලිෆෝනියාවේ සිලිකන් නිම්නයේ NASA Ames පර්යේෂණ මධ්‍යස්ථානයේ විකිරණ ජෛව භෞතික විද්‍යාගාරයේ පශ්චාත් ආචාර්ය උපාධි පර්යේෂණ විද්‍යාඥයෙකි.


Top Stories
wedivistara

උත්සව සමයේ භාණ්ඩ මිලදී ගැනීමේදී සැලකිලිමත් ‍වන්න - PHI සංගමය

wedivistara

ඔවුන් කුමන කුමන්ත්‍රණ කළත් දූෂිතයන්ට දඩුවම් දීමේ ක්‍රියාවලිය නවත්වන්නේ නෑ - ජනපති

wedivistara

දේශබන්දු තෙන්නකෝන්ට සැඟවී සිටීමට සහාය වූ දෙදෙනෙක් අත්අඩංගුවට

wedivistara

ලක්ෂ 16 ක් කොල්ල කෑ වැලිකඩ පොලිසියේ දෙදෙනෙක් ඇතුළු සැකකරුවන් සිව්දෙනෙක් රිමාන්ඩ්

wedivistara

මරදානේ චොප්පෙගේ පුත්‍රයා අත්අඩංගුවට

wedivistara

තැපැල් ඡන්ද පත්‍රිකා මුද්‍රණ කටයුතු අවසන් අදියරට පැමිණෙයි

Trending
wedivistara

චාමර සම්පත් අල්ලස් ​කොමිසම විසින් අත්අඩංගුවට ගනී

wedivistara

Starlink බ්‍රෝඩ්බෑන්ඩ් සේවා අප්‍රේල් මාසයේ සිට ශ්‍රී ලංකාව තුළ ක්‍රියාත්මකයි - නලින්ද ජයතිස්ස

wedivistara

දකුණු කොරියාවේ සිටින ශ්‍රී ලාංකිකයින්ට දැනුම්දීමක්

wedivistara

රාත්‍රි සමාජ ශාලාවේ ගැටුමට සම්බන්ධ හතරදෙනා රිමාන්ඩ් කිරීමට නියෝග

wedivistara

බැංකු දෙකක් සඳහා මහ බැංකුවෙන් දණ්ඩන පනවයි

wedivistara

හිටපු හමුදාපතිවරුන්ට පැනවූ සම්බාධක ගැන රජයේ ස්ථාවරය නිවේදනය කෙරේ


NEWS ALERT