Local

මහනුවර රිළවුන් දූපතකට රැගෙන යාමට තීරණයක්

Friday, 28 March 2025 - 10:02 pm

මහනුවර දිස්ත්‍රික්කයේ වගා හානිකරන රිළවුන් අල්ලා දූපතකට මුදාහැරීමට වගාවලට රිළවුන්ගෙන් සිදුවන හානි සම්බන්ධයෙන් සොයාබැලීම සඳහා පත්කරන ලද විශේෂ කමිටුව තීරණය කර ඇති බව පාර්ලිමේන්තු මන්ත්‍රී ජගත් මනුවර්​ණ පවසනවා.

ඒ අනුව එම දූපත වටා විදුලි වැටක් ඉදිකරන බවත් එම රිළවුන් නැවත ගම් වැදීමක් සිදු නොවනු ඇති බවයි මාධ්‍ය වෙත අදහස් දක්වමින් මන්ත්‍රීවරයා සඳහන් කළේ.

රන්දෙණිගල ජලාශය මධ්‍යයේ පිහිටි අක්කර 200කට ආසන්න වපසරියකින් යුත් දූපතක් සම්බන්ධයෙන් මෙලෙස අවධානය යොමුකර ඇති අතර නියමු ව්‍යාපෘතියක් ලෙස හේවාහැට ආසනයේ ගම්මාන 15 ක රිළවුන් මෙම දූපතට ගෙන ගොස් දැමීමට තීරණය කර තිබෙනවා.