Local

කතරගම සිවිල් ආරක්ෂක නව අණදෙන නිලධාරිවරයා කිරිවෙහෙර නාහිමියන් බැහැදැක ආශීර්වාද ලබා ගනී

Wednesday, 28 May 2025 - 8:48 am

කිරිවෙහෙර රාජමහා විහාරස්ථානයට පැමිණි නව අණදෙන නිලධාරීවරයා පළමුවෙන්ම කිරිවෙහෙර රාජමහා විහාරාධිපති රුහුණු මාගම්පත්තුවේ ප්‍රධාන සංඝනායක අතිපූජ්‍ය කොබවක ධම්මින්ද නාහිමිපාණන් වහන්සේ බැහැ දැක ආශිර්වාද ලබා ගැනීමෙන් අනතුරුව කිරි වෙහෙර සෑ රදුන් ඉදිරිපිට ආගමික වතාවත්වල නිරතව ආශීර්වාද ලබාගැනීම සිදුකෙරුණි.

කර්නල් සුසිල් පීරිස් මහතා කතරගම සිවිල් ආරක්ෂක බළකා කඳවුරේ නව අණදෙන නිලධාරීවරයා ලෙස ඉකුත් 24 වැනිදා වැඩ භාර ගැනීමද සිදු කෙරුණි.

එළැඹෙන කතරගම පෙරහර වෙනුවෙන් සිවිල් ආරක්ෂක බළකා නිලධාරීන්ගෙන් ලබාදිය යුතු සියලුම සේවාවන් ලබාදීමට අවශ්‍ය කටයුතු කරන බවත් නව අණ දෙන නිලධාරිවරයා නාහිමියන්ට දැනුම් දී තිබේ.

සූරියවැව විශේෂ – නුවන් ජයසේකර