දිවංගත වී වසර 192යි ශ්‍රී වික්‍රම රාජසිංහ රජුට ඥාතීහු පින් දෙති
Wednesday, 31 January 2024 - 3:29 pm
ශ්‍රී වික්‍රම රාජසිංහ රජුගේ ඥාති පිරිස මහනුවර නාථ දේවාල පරිශ්‍රයේ දී ආගමික වතාවත් හි නිරත වූ අයුරු.
මෙරට අවසන් රජු වූ ශ්‍රී වික්‍රම රාජසිංහ රජු දිවංගතව වසර 192ක් සපිරීම නිමිත්තෙන් රජුගේ ඥාතීන් පිරිසක් ඊයේ (30) මහනුවර නාථ දේවාලයට පැමිණ විශේෂ පූජාවක් පවත්වා රජුට පින් අනුමෝදන් කළහ.
ශ්‍රී වීර පරාක්‍රම නරේන්ද්‍රසිංහ රජුගෙන් පසු මෙරට රාජ්‍යත්වයට පත් නායක්කර් වංශික රජ පෙළපතේ අවසන් රජු වූ ශ්‍රී වික්‍රම රාජසිංහ රජු 1815දී ඉංග්‍රීසි පාලකයන්ගේ අත්අඩංගුවට පත්විය.
මදුරාසියේ වෙල්ලෝර් ප්‍රදේශයේ සිරගතව සිටියදී 1832 ජනවාරි 30 වැනි දින රජු මියගිය බව ඉතිහාසයේ සඳහන්ය. එම දිනය සිහි කරමින් රාජසිංහ රජුගේ ඥාති පරපුරේ දැනට ජීවත් වන හත්වන පරම්පරාව නියෝජනය කරන මහනුවර හා කුරුණෑගල ප්‍රදේශවල පදිංචිව සිටින මෝගන් පෙරිම්බනායගම්, අරුන් සෙල්වරාජ්, එන්. ශන්මුගරාජා, වේලුසාමි පත්මනාදන්, රමේෂ් සුබ්‍රමනියම්, එන්. ඥානේෂ්වරම් යන මහත්වරු මෙම අවස්ථාවට එක්ව සිටියහ.
.webp)
.webp)
