යටි­තල පහ­සු­කම් සහ උපාය මාර්ගික සංව­ර්ධ­නය පිළි­බඳ ආංශික අධී­ක්ෂණ කාරක සභාවේ සභා­පති ධුර­යට පාර්ලි­මේන්තු මන්ත්‍රී අජිත් පී. පෙරේරා මහතා පත්කර ඇත.

පාර්ලි­මේ­න්තු­වේදී පෙරේදා (27) පැවති දස වැනි පාර්ලි­මේ­න්තු­වට අදාළ යටි­තල පහ­සු­කම් සහ උපාය මාර්ගික සංව­ර්ධ­නය පිළි­බඳ ආංශික අධී­ක්ෂණ කාරක සභා රැස්වී­මේදී මේ පත්කි­රීම සිදු කර ඇත.

මේ ආංශික අධී­ක්ෂණ කාරක සභාවේ සභා­පති ධුරය විප­ක්ෂයේ මන්ත්‍රී­ව­ර­ය­කුට දීමට මීට පෙර ආණ්ඩු පක්ෂය සහ විප­ක්ෂය අතර එක­ඟ­ත්වය පළ වී තිබිණි.

ඒ අනුව සභා­පති ධුර­යට පාර්ලි­මේන්තු මන්ත්‍රී අජිත් පී. පෙරේරා මහ­තාගේ නම පාර්ලි­මේන්තු මන්ත්‍රී නලින් බණ්ඩාර ජය­මහ මහතා විසින් යෝජනා කළ අතර, පාර්ලි­මේන්තු මන්ත්‍රී ජගත් විතාන මහතා ස්ථිර කළේය.

පසුව ජූනි මස 05 වැනිදා පාර්ලි­මේ­න්තුවේ දෙවැනි වර කිය­වීමේ විවා­ද­යට ගැනී­මට නිය­මිත ජාතික ගම­නා­ග­මන කොමි­ෂන් සභා (සංශෝ­ධන) පනත් කෙටු­ම්පත මෙහිදී සාක­ච්ඡා­වට ගත් අතර, ප්‍රවා­හන, මහා මාර්ග, වරාය හා සිවිල් ගුවන් සේවා අමා­ත්‍යාං­ශය ඇතුළු අදාළ ආය­තන කිහි­ප­යක නිල­ධා­රීහු ඊට සහ­භාගි වූහ.

ගම­නා­ග­මන කොමි­ෂන් සභාව දීර්ඝ කාල­යක් මුළුල්ලේ මුහුණ දුන් ප්‍රායෝ­ගික ගැට­ලු­ව­ලට විස­ඳුම් සඳහා ප්‍රති­පා­දන ඇතු­ළත් කර­මින් මේ සංශෝ­ධන පනත් කෙටු­ම්පත ඉදි­රි­පත් කළ බව නිල­ධා­රීන් මෙහිදී පැවැසූ අතර, ඊට කාරක සභාවේ අනු­මැ­තිය හිමි විය. ප්‍රවා­හන ක්ෂේත්‍රයේ සිදු විය යුතු මූලික වෙන­ස්කම් පිළි­බ­ඳව ද මූලික කරුණු මෙහිදී සාකච්ඡා විය.