ගොම අස්සේ සඟවා ප්‍රවාහනය කළ දැව තොගය මාට්ටු
Tuesday, 23 January 2024 - 7:54 pm
ගොම අස්සේ සඟවා ප්‍රවාහනය කළ දැව තොගයක් පොලිස් විශේෂ කාර්යය බලකාය මඟින් අත්අඩංගුවට ගෙන තිබෙයි.
විශේෂ කාර්ය බලකාය කිලිනොච්චිය කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී ජේෂ්ඨ නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි යාපනය කලාපය බාර ජේෂ්ඨ පොලිස් අධිකාරී රෝයි සුමනවර්ධන මහතාගේ මෙහෙයවීම මත, සහකාර පොලිස් අධිකාරී අයි.එස්.ටි. පෙරේරා මහතාගේ අධීක්ෂණයෙන් කිලිනොච්චිය කඳවුරේ කඳවුර අණදෙන නිලධාරී පොලිස් පරීක්ෂක එස්.පි. චමින්ද ඇතුළු නිලධාරීන් කණ්ඩායමක් විසින් ඊයේ (22) කිලිනොච්චිය පොලිස් වසමේ ඉරණමඩු ප්‍රදේශයේ දී වැටලීමක් සිදුකර ඇත.
එහි දී බලපත්‍ර නොමැතිව නීති විරෝධී ලෙස ඉරන ලද බුරුත ලී 164ක්, මාදං කඳන් 20ක් සහ ඉරන ලද මාදං ලී 04 ක් අක්කරායන් රක්ෂිතයෙන් කපා ලොරි රථයට පටවා එම ලොරිය පිටුපස ගොම වලින් අසුරා ප්‍රවාහනය කරමින් තිබු ලොරි රථයක් සමග චාවකච්චේරි ප්‍රදේශයේ පදිංචි වයස අවුරුදු 41ක් වන පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා කිලිනොච්චිය අඩවි වන කාර්යාලය වෙත භාර දී ඇත.
