හිටපු ඇමතිලා 12ක් තවමත් නිල නිවාස අල්ලගෙන..
Tuesday, 29 October 2024 - 10:19 pm
හිටපු අමාත්‍යවරුන් 12 දෙනෙකු තවමත් නිල නිවාස රජයට භාරදී නොමැති බව රාජ්‍ය පරිපාලන අමාත්‍යාංශය පවසයි.
අදාළ නිල නිවාස සම්බන්ධ මූලික පරීක්ෂාවන් සිදු කර අවසන් කර තිබේ.
එහිදී නිල නිවසට අයත් ගෘහ භාණ්ඩ ඇතුළු වත්කම් සම්බන්ධයෙන් පරීක්ෂාවට ලක්කර ඇති බව එම අමාත්‍යාංශය පවසයි.
ජල,විදුලි ඇතුළු සියලු බිල්පත්වල ගෙවීම් සම්පූර්ණ කිරීමෙන් පසු නිල නිවාස භාරදෙන ලෙස හිටපු අමාත්‍යවරුන්ට දැනුම් දී තිබේ.
කිසිදු හිඟ මුදලකින් තොරව නිල නිවාස භාරගන්නා බව එම අමාත්‍යාංශය සදහන් කරයි.
මෙතෙක් භාරනොදුන් නිල නිවාස හෙට (30) වනවිට භාරදීමට කටයුතු කරන ලෙසද දැනුම් දී තිබේ.
එසේ නොවන්නේ නම් නීතිමය ක්‍රියාමාර්ග ගැනීමට කටයුතු කරන බව පවසයි.
රජය සතු අමාත්‍ය නිල නිවාස සංඛ්‍යාව 28ක් බව එම රාජ්‍ය පරිපාලන අමාත්‍යාංශය වැඩිදුරටත් පවසයි.
(1).webp)
