රත්නපුර වාරි සංවර්ධනයට රු. කෝටි 60ක්
Monday, 08 January 2024 - 9:55 am
ගංවතුර පාලනය ඇතුළු රත්නපුර දිස්ත්‍රික්කයේ වාරි සංවර්ධනය වෙනුවෙන් රුපියල් කෝටි 60ක් (රුපියල් මිලියන 600ක්) වෙන් කිරීමට වාරිමාර්ග, වන ජීවී හා වන සංරක්ෂණ ඇමැතිනී පවිත්‍රා වන්නිආරච්චි මහත්මිය තීරණය කර තිබේ.
ස්වාභාවිකව සිදු වන කාලගුණ සහ දේශගුණ අහිතරකර බලපෑම් හමුවේ රත්නපුර දිස්ත්‍රික් ජනතාව සෑම වසරකම පීඩාවට පත්වන අතර, ඒ සඳහා පිළියම් යෙදීමට ඇමැතිනිය විසින් රුපියල් මිලියන 600කට ආසන්න වැය ඇස්තමේන්තුවක් සහිත ඉතා කාලෝචිත වැඩපිළිවෙළක් යෝජනා කර ඇත. ඒ සඳහා මූලික වටයේ සාකච්ඡාවක් වාරිමාර්ග අමාත්‍යාංශයේදී ඊයේ (07) ඇමැතිනියගේ ප්‍රධානත්වයෙන් පැවැත්විණි.
වාරිමාර්ග අමාත්‍යාංශයේ සෘජු අධීක්ෂණය යටතේ ක්‍රියාත්මක දේශගුණික අවබලපෑම් අවම කිරීමේ බහු අදියර වැඩසටහන (CResMPA), මහවැලි ජල සුරක්ෂිතතා ආයෝජන වැඩසටහන (MWSIP), ඒකාබද්ධ ජලාධාර ජල සම්පත් කළමනාකරණ ව්‍යාපෘතිය (IWWRMP) යන ව්‍යාපෘතිවල මූල්‍ය ප්‍රතිපාදන යොදා ගනිමින් වඩාත් විනිවිදභාවයකින් යුතුව සිදු කිරීමට ඇමැතිනිගේ සැලැස්මවී ඇත.
මේ අවස්ථාවට වාරිමාර්ග අමාත්‍යාංශයේ ලේකම් සමන් දර්ශන පාඬිකෝරාළ මහතා, අමාත්‍යාංශ ලේකම්වරුන්, වාරිමාර්ග දෙපාර්තමේන්තුවේ සහ ශ්‍රී ලංකා මහවැලි අධිකාරියේ අධ්‍යක්ෂ ජනරාල්වරුන් ඇතුළු ව්‍යාපෘති අධ්‍යක්ෂවරු සහභාගී වූහ.
.webp)
