Local

පිටකොටුවේ දී මිනිස් සිරුරට අහිතකර රූපලාවන්‍ය ආලේපන විකුණලා

Thursday, 22 February 2024 - 1:18 pm

මිනිස් සිරුරට අහිතකර රූපලාවන්‍ය ආලේපන අලෙවි කළ සැකකරුවන් සිව්දෙනෙකු පිටකොටුව දෙවන හරස්වීදිය ප්‍රදේශයේදී අත්අඩංගුවට ගෙන තිබේ.

වලාන දූෂණ මර්දන ප්‍රහාරක ඒකකයේ නිලධාරීන්ට ලද තොරතුරකට අනුව ඊයේ(21) දහවල් සිදුකළ වැටලීමකදී මෙම අත්අඩංගුවට ගැනීම සිදු කර ඇත.

එහිදී ලෝක සෞඛ්‍ය සංවිධානයේ නිර්ණායකයන්ට අනුව මිනිස් සිරුරට ප්‍රබල හානි ඇති කරන රසායනික සංයෝග අඩංගු, රූපලාවණ්‍ය කටයුතු සඳහා භාවිත කරන ආලේපන වර්ග අලෙවි කළ වෙළෙඳසැල් 04 ක් වටලා, එවැනි විවිධ ආලේපන 1143 ක් පොලිස් භාරයට ගෙන ඇතැයි පොලිසිය පවසයි.

අත්අඩංගුවට ගෙන ඇති එම වෙළෙඳසැල් හිමිකරුවන් අවුරුදු 22, 25, 45 සහ 52 යන වයස්වල පසුවන කළගෙඩිහේන, මොරටුව සහ වත්තල ප්‍රදේශවල පදිංචිකරුවන්වේ.

පිටකොටුව පොලිසිය මගින් මේ පිළිබඳ වැඩිදුර විමර්ශන සිදු කරයි.