Local

කොටහේන ඝාතනයේ වෙඩික්කරුවන් දෙදෙනා පොලිස් වෙඩි පහරින් මරුට

Saturday, 22 February 2025 - 7:45 am

කොටහේන වෙඩිතැබීම සම්බන්ධයෙන් අත්අඩංගුවට ගත් සැකකාර වෙඩික්කරුවන් දෙදෙනා පොලිස් වෙඩි ප්‍රහාරයට ලක්වී ජීවිතක්ෂයට පත්වී තිබෙනවා.

ඊයේ (21) රාත්‍රියේ සිදුවූ වෙඩි තැබීමට සම්බන්ධ සැකකරුවන් දෙදෙනා විමර්ශන අතරතුර දී පොලිසියට වෙඩිතැබීමට තැත් කිරීමේදී පොලිසිය ප්‍රතිප්‍රහාර එල්ල කර ඇති බවයි සඳහන් වෙන්නේ.

එහිදී සැකකරුවන් දෙදෙනාම මියගොස් ඇති අතර තුවාල ලැබූ නිලධාරියෙකු ද රෝහල්ගත කර ඇති බවයි පොලිසිය වැඩිදුරටත් සඳහන් කළේ.