‘ඒවා ගනන් ගත යුතු දේවල් නෙවෙයි’ – රවි සෙනෙවිරත්න ගම්මන්පිලට උත්තර දෙයි..
Tuesday, 22 October 2024 - 10:12 am
පාස්කු ඉරිදා දින මෙරටට එල්ලූ බෝම්බ ප්‍රහාරය සම්බන්ධයෙන් විමර්ශන සිදු කල කමිටු වාර්තාවන්හි වත්මන් මහජන ආරක්ෂක ලේකම් රවි සෙෙනවිරත්න මහතාට එල්ල වී ඇති චෝදනා පිළිබඳව හිටපු පාර්ලිමේන්තු මන්ත්‍රී උදය ගම්මන්පිල මහතා විසින් කරන ලද මාධ්‍ය සාකච්ඡාවට රවී සෙනෙවිරත්න මහතා ප්‍රතිචාර දක්වයි.
දිවයින පුවත්පත කළ විමසීමකදී ඔහු මෙසේ අදහස් පළ කර ඇත.
‘ඕන කෙනෙක් ඕන දෙයක් කියපුවදෙන්. අපි කරන්නේ ඒවා බලාගෙන ඉන්නවා පමණයි. ඒවා ගනන් ගත යුතු දේවල් නෙවෙයි’
කෙසේ වෙතත් මහජන ආරක්ෂක අමාත්‍යංශ ලේකම්වරයා වෙත එල්ල වන බරපතළ චෝදනාව සම්බන්ධයෙන් ජාතික ජන බලවේග රජය නිල වශයෙන් ප්‍රතිචාරයක් මෙතෙක් දක්වා නැත.
කැබිනට් මාධ්‍ය ප්‍රකාශක ඇමති විජිත හේරත් මහතා සහභාගි වන කැබිනට් මාධ්‍ය හමුවේදී මේ සම්බන්ධයෙන් ප්‍රතිචාරයක් දක්වනු ඇතැයි බලාපොරොත්තු වෙයි.
පාස්කු ඉරිදා දින ප්‍රහාර එල්ලවීම වළක්වා ගැනීම සඳහා තිබූ අවස්ථාවකදී තම රාජකාරිය පැහැර හැරීම සම්බන්ධයෙන් රවී සෙෙනවිරත්න මහතා මහජන ආරක්ෂා අමාත්‍යංශ ලේකම් ධුරයෙන් ඉවත් කරන ලෙස ගම්මන්පිල මහතා රජයෙන් ඉල්ලා සිටියේය.
.webp)
