Local

නගර කිහිපයක වායු ගුණාත්මකභාවය තවදුරටත් පහළ​ට

Wednesday, 17 January 2024 - 10:39 am

දිවයිනේ ප්‍රදේශ කිහිපයක‍ වායු ගුණාත්මක දර්ශකය තවදුරටත් පහළ අගයක පවතින බව මධ්‍යම පරිසර අධිකාරිය පවසනවා.

යාපනය, මන්නාරම, කොළඹ හා ගාල්ල ප්‍රදේශවල වායු ගුණාත්මකභාවය පහළ ගොස් ඇති බවයි එහි මාධ්‍ය ප්‍රකාශක අජිත් වීරසුන්දර සඳහන් කළේ.

පෙණහළු ආශ්‍රිත රෝග හා හතිය වැනි රෝග පවතින පුද්ගලයින් එළිමහනේ​දී මුව ආවරණ පැළඳීම සුදුසු බවයි ඔහු වැඩිදුරටත් සඳහන් කළේ.