Local

ඉහලම ලොක්කෙක් අල්ලස් ගනිද්දී අත්අඩංගුවට..

Wednesday, 16 October 2024 - 12:51 pm

නැගෙනහිර පළාත් ආදායම් දෙපාර්තමේන්තුවේ නියෝජ්‍ය කොමසාරිස්වරයෙකු රුපියල් ලක්‍ෂ දෙකක අල්ලස් මුදලක් ලබා ගනිද්දී අත්අඩංගුවට පත්ව ඇත.

අල්ලස් කොමිසම පැවසුවේ ලැබුණු තොරතුරක් මත මඩකලපුව කාර්යාලයේදී මෙම අත්අඩංගුවට ගැනීම සිදුකර ඇති බවය.

පුද්ගලයකු මඩකලපුවේ පර්චස් 65ක ඉඩමක් මිලදී ගැනීමේදී පළාත් ආදායම් දෙපාර්තමේන්තුව විසින් එය නැවත තක්සේරු කිරීමෙන් පසු දන්වා ඇත්තේ ඔහු අමතර රු 850,000 බදු සහ දඩ මුදලක් ගෙවන ලෙසයි.

නමුත් නියෝජ්‍ය කොමසාරිස්වරයා එම ගෙවීම වෙනුවට රු 200,000ක අල්ලසක් ලබා ගැනීමට යෝජනා කර ඇති අතර එය ලබා ගැනීමේදී මෙම අත්අඩංගුවට ගැනීම සිදු කර ඇත.

අත්අඩංගුවට ගත් නිලධාරියා මඩකලපුව මහේස්ත්‍රාත් අධිකරණයට ඉදිරිපත් කිරීමට නියමිතය.