Local

තැපැල් ඡන්ද පත්‍රිකා 21 වැනිදාට පෙර බෙදා අවසන් කරනවා - මැතිවරණ කොමිසම

Friday, 18 April 2025 - 9:01 pm

සියලු තැපැල් ඡන්ද පත්‍රිකා ලබන 21 වැනිදාට පෙර බෙදා අවසන් කරන බව මැතිවරණ කොමිෂන් සභාව පවසනවා.

ඉන්පසුව කිසියම් අධිකරණයකින් ඒ සම්බන්ධ නඩු තීන්දුවක් ලැබුණහොත්, එම පළාත් පාලන ආයතනයේ තැපැල් ඡන්ද විමසීම ප්‍රමාද වන බවයි  මැතිවරණ කොමිසමේ සභාපති R.M.A.L. රත්නායක සඳහන් කළේ.

මේ වන විට පළාත් පාලන ආයතන 227ක තැපැල් ඡන්ද පත්‍රිකා බෙදා අවසන් කර ඇති අතර, ඒ අනුව ඉතිරි පළාත් පාලන ආයතන 112 සදහා තැපැල් ඡන්ද පත්‍රිකා ලබාදීමට නියමිතයි.