ෂාන් විජයලාල්ට-දයාශ්‍රිතට ශ්‍රීලනිපයෙන් විනය ක්‍රියාමාර්ග
Tuesday, 09 January 2024 - 9:01 am
ශ්‍රී ලංකා නිදහස් පක්ෂයේ සිට සමඟි ජන බලවේගයට එක්වූ පාර්ලිමේන්තු මන්ත්‍රී ශාන් විජේලාල් ද සිල්වා මහතාට හා හිටපු පාර්ලිමේන්තු මන්ත්‍රී දයාශ්‍රිත තිසේරා මහතාට එරෙහිව විනය ක්‍රියාමාර්ග ගැනීමට ශ්‍රී ලංකා නිදහස් පක්ෂයේ මධ්‍යම කාරක සභාව තීරණය කර ඇත.
ශ්‍රී ලංකා නිදහස් පක්ෂයේ මධ්‍යම කාරක සභාව පක්ෂ සභාපති, හිටපු ජනාධිපති, පාර්ලිමේන්තු මන්ත්‍රී මෛත්‍රීපාල සිරිසේන මහතාගේ ප්‍රධානත්වයෙන් පක්ෂ මූලස්ථානයේදී ඊයේ (08) සවස පැවති අතර, එහිදී මෙම තීරණය ගෙන ඇත.
ඒ අනුව එම දෙදෙනාට ඉදිරියේදී විනය ක්‍රියාමාර්ග ගැනීමට නියමිත වේ. සමඟි ජන බලවේගයට එක්වූ එම දෙදෙනාටම ආසන සංවිධායක ධුර ලබාදී ඇත. එමෙන්ම ඉදිරියේදී පවත්වන මැතිවරණ වෙනුවෙන් සන්ධානයක් ගොඩනැඟීම වෙනුවෙන් දැනටමත් සාකච්ඡාවන් ආරම්භ කර ඇති බවද පක්ෂ සභාපති මෛත්‍රීපාල සිරිසේන මහතා මධ්‍යම කාරක සභාව වෙත දැනුම් දී ඇත. ඉදිරියේදී පවත්වන ඕනෑම මැතිවරණයක් වෙනුවෙන් පෙනී සිටීම සඳහා ශක්තිමත් සන්ධානයක් ගොඩනැඟීම සම්බන්ධයෙන් ද මධ්‍යම කාරක සභාවේදී සාකච්ඡා කර ඇත.
