Local

වී අස්වනු මිලදී ගැනීමට සහනදායී ණය ක්‍රමයක්

Saturday, 11 January 2025 - 7:11 pm

මහ කන්නයේ වී අස්වනු මිලදී ගැනීම සඳහා සුළු හා මධ්‍ය පරිමාණ වී මෝල් හිමියන් සහ සමූපකාර සමිති වෙත සහනදායී පොළී අනුපාතයක් යටතේ ඔඩපන ණය යෝජනා ක්‍රමයක් (pledge loan scheme) ක්‍රියාත්මක කරන බව සංවර්ධන මූල්‍ය දෙපාර්තමේන්තුව පවසනවා.

ඒ අනුව වී ගොවීන් වෙත සාධාරණ මිලක් ලබාදීමේ අරමුණින් 2024/2025 මහ කන්නයේ වී අස්වනු මිලදී ගැනීමට මෙම ණය යෝජනා ක්‍රමය ආරම්භ කර ඇති බවයි සඳහන් වෙන්නේ.

මෙහි ඉලක්කගත කණ්ඩායම් වනුයේ උපරිම දෛනික වී කෙටීමේ ධාරිතාවය මෙට්‍රික් ටොන් 25 කට යටත්වන සුළු හා මධ්‍ය පරිමාණ වී මෝල් හිමියන් සහ සමූපකාර සමිති බවද සඳහන්.

මෙම ණය යෝජනා ක්‍රමය යටතේ සුළු හා මධ්‍ය පරිමාණ වී මෝල් හිමියකුට හෝ සමූපකාර සමිතියකට රුපියල් මිලියන 50 ක උපරිම ණය මුදලක්, 7% ක වාර්ෂික පොළී අනුපාතයක් යටතේ ලබාගැනීමේ හැකියාව පවතිනවා.

මේ සම්බන්ධයෙන් වන නිවේදනය පහතින්.