ජන ගංගා මැදින් රැලි නිමාවේ – අපේක්‍ෂකයෝ අවසන් රැලි අමතති
Thursday, 19 September 2024 - 9:57 am
අවසර නැති කිසිවකුට ඡන්දපළට එන්න බෑ – බීලා එන්නත් බෑ
අවි ආයුධ රැගෙන යෑම සපුරා තහනම් කෝල් ගන්න – ෆොටෝ ගහන්නත් බෑ
අවසර නොලත් කිසිවකුට ඡන්ද මධ්‍යස්ථානවලට ඇතුළු වීමට ඉඩ නොදෙන ලෙස මැතිවරණ කොමිසම සියලු ඡන්දපළ නියෝජිතයන්ට දැනුම් දී ඇත.
ඡන්දපළට ඇතුළුවිය හැක්කේ අදාළ බල ප්‍රදේශයේ ඡන්ද ප්‍රකාශ කිරීමට පැමිණෙන ඡන්ද දායකයන්, ඡන්දපළ කාර්ය මණ්ඩලය, ඡන්දපළ රාජකාරියෙහි නියුතු පොලිස් නිලධාරීන්, තරග කරන ජනාධිපති ධුර අපේක්‍ෂකයන්, ජනාධිපති ධුර අපේක්‍ෂකයන්ගේ ඡන්දපළ නියෝජිතයන්, අපේක්‍ෂකයන්ගේ බලයලත් නියෝජිතයන්, අපේක්‍ෂයන්ගේ ප්‍රාදේශීය නියෝජිතයන්, එක් එක් අපේක්‍ෂකයන් විසින් විධිමත්ව පත් කළ ඡන්දපළ නියෝජිතයන්, කොමිසමේ අවසරලත් දේශීය හෝ විදේශීය නිරීක්‍ෂකයන් හා තේරීම් භාර නිලධාරීන්ගේ අවසරලත් නිලධාරීන්ට පමණි.
මේ අතර ඡන්ද මධ්‍යස්ථාන තුළට අවි ආයුධ රැගෙන යෑම සපුරා තහනම් බව කොමිසම පවසයි.
එමෙන්ම ජංගම දුරකථන භාවිතා කිරීමත්, ඡායාරූප ගැනීමත්, වීඩියෝගත කිරීමත් තහනම් වෙයි. මත්පැන් පානය කර හෝ මත් ද්‍රව්‍ය භාවිතා කර පැමිණීම තහනම් බවත් දුම්පානය, මත්පැන් පානය සහ වෙනත් මත්ද්‍රව්‍ය මධ්‍යස්ථානය තුළ භාවිතා කිරීමත් තහනම් වෙයි.
.webp)
