Local

මහජන ආරක්ෂක ලේකම් පොලිස් මූලස්ථානයේ.. පරණ ෆයිල් උඩට ගනී..

Saturday, 05 October 2024 - 10:33 am

ශ්‍රි ලංකාව තුල ආන්දෝලනයට තුඩුදුන් ජාතික තලයේ අපරාධ, වංචාවන් සහ වෙනත් විශේෂ අපරාධ සම්බන්ධයෙන් ශ්‍රි ලංකා පොලිසිය මගින් පවත්වනු ලබන විවිධ විමර්ශනවල ප්‍රගතිය සොයා බැලීමක් මහජන ආරක්ෂක අමාත්‍යාංශ ලේකම් රවි සෙනෙවිරත්න මහතාගේ ප්‍රධානත්වයෙන් 2024.10.03 දින පොලිස් මූලස්ථානයේදී පවත්වන ලදී.

මෙහිදී දැනට සිදු කරගෙන යන විර්මශන මොනවාද, තාවකාලිකව නවත්වා තිබෙන විමර්ශන වේ නම් ඒවා මොනවාද, එසේ නැවතීමට දේශපාලණික හේතු බලපා තිබෙනවාද, තවද අනවශ්‍ය ලෙස ප්‍රමාද වී තිබෙන විර්මශන, අළුතෙන් ආරම්භ කළ යුතු විර්මශන තිබේ නම් ඒවා මොනවාද යන්න පිළිබඳවද විශේෂ අවධානය යොමු කර සාකච්ඡාවට භාජනය කරන ලදී.

යම් යම් විමර්ශන සඳහා බලපෑම් සිදුවී තිබේද, එසේ නොමැතිනම් ප්‍රමාදවීමට හේතු මොනවාද යන්න පිළිබඳවද මෙහිදී අවධානය යොමු කර ඇත.

මෙම අවස්ථාව සඳහා වැඩබලන පොලිස්පති ප්‍රියන්ත වීරසූරිය මහතා, අපරාධ පරීක්ෂණ දෙපාර්‌තමේන්තුවේ ජ්‍යෙෂ්ඨ නිලධාරීන් ඇතුළු තවත් ජ්‍යෙෂ්ඨ නිලධාරීන් කිහිප දෙනෙකුද සහභාගි විය.

අදාල කරුණු පිළිබඳව වාතාවක් සකස් කර ඉදිරි විර්මශන සිදු කෙරෙන අතර, මෙහිදී වැදගත් වූ විර්මශන රාශියක් පිළිබඳව අවධානය යොමු කර තිබිණි.