Local

අල්ලස් ගත් ආගමන විගමන නිලධාරියෙක් අත්අඩංගුවට

Tuesday, 21 January 2025 - 10:07 pm

වීසා නොමැතිව රැඳී සිටි පුද්ගලයෙකු නිදහස් කර ගැනීමට රුපියල් ලක්ෂ 5 ක අල්ලස් මුදලක් ලබාගත් ආගමන විගමන නිලධාරියෙක් අල්ලස් කොමිසම මගින් අත්අඩංගුවට ගෙන තිබෙනවා.

නල්ලූර් උතුර, යාපනය ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව අදාළ නිලධාරියා අත්අඩංගුවට ගෙන ඇති බවයි සඳහන් වෙන්නේ.

අදාළ පැමිණිලිකරු වැලිසර ආගමන විගමන රැඳවුම් මධ්‍යස්ථානයෙන් නිදහස් කර ගැනීමට අවශ්‍ය කටයුතු කරදීමට එම මධ්‍යස්ථානයේ සේවයේ නියුතු අදාළ නිලධාරියා විසින් පැමිණිලිකරුගෙන් මෙම මුදල ඉල්ලා ඇති බවයි සඳහන් වෙන්නේ.

අත්අඩංගුවට ගන්නා ලද සැකකරු කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබෙනවා.