Local

සමෘද්ධි ප්‍රජා මූල බැංකු සඳහා විශේෂ ගැසට් පත්‍රයක්

Friday, 06 June 2025 - 5:05 pm

සමෘද්ධි ප්‍රජා මූල බැංකු සමිති රජයේ විගණනයට යටත් කරමින් අති විශේෂ ගැසට් පත්‍රයක් නිකුත් කර තිබෙනවා.

ග්‍රාමීය සංවර්ධන, සමාජ ආකර්ෂණ හා ප්‍රජා සවිබල ගැන්වීම් අමාත්‍ය ආචාර්ය උපාලි පන්නිලගේ උපදෙස් මත මෙම ගැසට් නිවේදනය නිකුත් කර ඇති බවයි සඳහන් වෙන්නේ.

ඒ අනුව, රාජ්‍ය සංස්ථාවල ගිණුම් විගණනය කිරිමට අදාළ ආණ්ඩුක්‍රම ව්‍යවස්ථාවේ 154 වන ව්‍යවස්ථාවේ විධිවිධාන සහ 2018 අංක 19 දරණ ජාතික විගණන පනතේ විධිවිධාන සමෘද්ධි ප්‍රජා මූල බැංකු සමිති විගණනය සඳහා අදාළ වන බවයි වැඩිදුරටත් සඳහන් වන්නේ.