Local

මේ වගේ විහිළුකාර ඇමතිවරු මේ ආණ්ඩුව මොකට පත් කළාද දන්නෑ - දයාසිරි

Friday, 14 February 2025 - 8:13 am

විදුලිබල අමාත්‍යවරයා පිළිතුරු ලබාදීමේදී වගකීමෙන් ප්‍රකාශ නිකුත් කළ යුතු බව පාර්ලිමේන්තු මන්ත්‍රී දයාසිරි ජයසේකර පවසනවා.

සිදුවන වැරදිවලට පෙර ආණ්ඩුවලට චෝදනා කිරීම නොව, වත්මන් ආණ්ඩුව බලය ලබා ගත්තේ ගැටලු විසඳීමට හැකි නිසා බවත්, අදාළ ගැටලු විසඳීමට කටයුතු කළ යුතු බවයි අද (13) මාධ්‍ය වෙත අදහස් දක්වමින් මන්ත්‍රීවරයා සඳහන් කළේ.

ගැටලුව ඇත්තේ පෙර ආණ්ඩුවල නොව, වත්මන් රජයේ මැති ඇමතිවරුන්ට නිවැරදි ලෙස පිළිතුරක් ලබාදීමට නොහැකිවීම මත බවද මන්ත්‍රීවරයා ප්‍රකාශ කළා.

මෙවැනි විහිළුකාර ඇමතිවරුන් වත්මන් ආණ්ඩුව විසින් කුමට පත් කළාද යන්න ගැටලු සහගත බවයි පාර්ලිමේන්තු මන්ත්‍රී දයාසිරි ජයසේකර වැඩිදුරටත් ප්‍රකාශ කර සිටියේ.