දැන් ගම්මන්පිල කියන විදියට, ප්‍රභාකරන්ව ඉවර කරලා රට එක්සේසත් කරලා තියෙන්නේ පිල්ලෙයාන් - හඳුන්නෙත්ති
Friday, 18 April 2025 - 9:32 pm
පළමු වතාවට, හිටපු පාර්ලිමේන්තු මන්ත්‍රී නීතීඥ උදය ගම්මන්පිල, පිල්ලෙයාන්ගේ නීතීඥයා බවට පත්ව ඇති බව අමාත්‍ය සුනිල් හඳුන්නෙත්ති පවසනවා.
ඒ අනුව පිල්ලෙයාන් හමුවූ ගම්මන්පිලගේ ප්‍රකාශ හරහා පුහුල් හොරා කරෙන් දැනෙන බවත්, පිල්ලෙයාන් අත්අඩංගුවට ගෙන ඇත්තේ පාස්කු ප්‍රහාරයට නොවන බවත්, මහාචාර්යවරයෙක් ඝාතනය කිරීම සම්බන්ධව ඔහු අත්අඩංගුවට ගෙන ඇති බවයි ජන හමුවක් අමතමින් අමාත්‍යවරයා සඳහන් කළේ.
කෙඳිරි නොගා සිටින ලෙස ගම්මන්පල හිටපු මන්ත්‍රීවරයාගෙන් ඉල්ලා සිටින බවද, ගම්මන්පිල මන්ත්‍රීවරයා ප්‍රකාශ කරන පරිදි ප්‍රභාකරන් සමය අවසන් කර රට එක්සේසත් කළේ පිල්ලෙයාන් බවට හැඟී යන බවද අමාත්‍යවරයා ප්‍රකාශ කළා.
පිල්ලෙයාන් ජාතික වීරයෙක් බව ගම්මන්පිල හිටපු මන්ත්‍රීවරයා ප්‍රකාශ කරන බවත්, ඔහු ජාතික වීරයෙක් කිරීම පිටුපස තවත් පිරිසක් සිටින බවයි අමාත්‍ය සුනිල් හඳුන්නෙත්ති වැඩිදුරටත් ප්‍රකාශ කර සිටියේ.
.webp)
