Local

මැතිවරණයේදී රාජ්‍ය බලය හා රාජ්‍ය දේපොළ අවභාවිතා කිරීමේ සිද්ධි 30 ක් වාර්තා වෙලා තියෙනවා - පැෆරල් සංවිධානය

Thursday, 24 April 2025 - 9:13 pm

2025 පළාත් පාලන මැතිවරණයේදී රාජ්‍ය බලය හා රාජ්‍ය දේපොළ අවභාවිතා කිරීමේ සිද්ධීන් 30ක් වාර්තා වී ඇති බව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි පවසනවා.

එසේම, මැතිවරණ නීති උල්ලංඝනය වීමේ සිද්ධීන් 322ක් මේ වනවිට පැෆරල් සංවිධානයට වාර්තා වී ඇති බවත්, ඒ යටතේ ප්‍රචණ්ඩකාරී සිද්ධීන් 18ක් වාර්තා වී ඇති අතර, ඉන් 17ක් තහවුරු වී ඇති බවයි ඔහු දක්වන්නේ. 

ඡන්ද දායකයින්ට ආධාර ලබාදීම හා අල්ලස් ලබාදීම සම්බන්ධ සිද්ධීන් 38ක්ද වාර්තා වී ඇති බවද අද (24) පැවති මාධ්‍ය හමුවකට එක්වෙමින් ඔහු සඳහන් කළා.

රාජ්‍ය බලය සහිතව යම් යම් ප්‍රකාශ නිකුත් කිරීම තුළින් ඍජු බලපෑමක් එල්ල නොවුණත්, ඉන් වක්‍ර බලපෑමක් ඡන්ද දායකයින්ට එල්ල විය හැකි බවයි රෝහණ හෙට්ටිආරච්චි වැඩිදුරටත් අදහස් දක්වමින් සඳහන් කර සිටියේ.