Local

මහනුවර දළදා වීදියේ වෙළෙඳසල් 2ක තිබී ගිනි අවි 2ක් දිග කඩුවක් සොයා ගනී

Monday, 12 August 2024 - 7:24 am

මහනුවර ඇසළ පෙරහර නිමිත්තෙන් සිදු කළ සෝදිසි කිරීමකදී දළදා වීදියේ වෙළෙඳසල් දෙකක තිබී රිවෝල්වර් වර්ගයේ ගිනි අවි දෙකක් සහ අඩි 2 1/2ක් දිග කඩුවක් සොයා ගැනීමට විශේෂ කාර්ය බළකා හා බෝම්බ නිශ්ක්‍රීය කණ්ඩායමේ නිලධාරීන් විසින් ඊයේ (11) පස්වරුවේ සමත්ව ඇත.

මේ සම්බන්ධයෙන් ප්‍රශ්න කිරීමට අදාළ වෙළෙඳසල් දෙකේ හිමිකරුවන් දෙදෙනා ද අත්අඩංගුවට ගත් බව පොලිසිය පවසයි. පැරණි භාණ්ඩ අලෙවිසල් දෙකක මේ රිවෝල්වර් වර්ගයේ ගිනි අවි දෙක සහ කඩුව තිබී ඇත. ගිනි අවි ක්‍රියාත්මක තත්ත්වයේ ⁣තිබී නොමැති අතර, මේ සම්බන්ධයෙන් මහනුවර පොලිසිය වැඩිදුර විමර්ශන සිදු කරයි.