Local

මෙවර අයවැයෙන් ගුරුවරුන්ගේ වැටුප් විෂමතා ගැටලුව අනිවාර්යෙන්ම විසඳීමට රජය කටයුතු කළ යුතුයි - ජෝසෆ් ස්ටාලින්

Friday, 24 January 2025 - 9:41 pm

මෙවර අයවැයෙන් ගුරුවරුන්ගේ වැටුප් විෂමතා ගැටලුව අනිවාර්යෙන්ම විසඳීමට වත්මන් ආණ්ඩුව කටයුතු කළ බව ලංකා ගුරු සංගමයේ ප්‍රධාන ලේකම් ජෝසෆ් ස්ටාලින් පවසනවා.

වැටුප් විෂමතා ගැටලුව සම්බන්ධයෙන් ගුරුවරුන් විශාල කැපකිරීමක් සිදුකළ බවත් එම ගැටලුව විසඳන ආකාරය සම්බන්ධයෙන් රජය මෙතෙක් පැහැදිළි කිරීමක් සිදුකර නොමැති බවද අද (24) මාධ්‍ය වෙත අදහස් දක්වමින් ඔහු සඳහන් කළා.

එසේම වැටුප් විෂමතා ගැටලුව වෙනුවෙන් විරෝධතා දැක්වූ ගුරුවරුන්ට පසුගිය රජය විසින් විවිධ නඩු පැවරූ බවත් ඒ සම්බන්ධයෙන්ද රජය තීරණයක් ගත යුතු බවද ඔහු වැඩිදුරටත් ප්‍රකාශ කළා.