හාල්, පොල්, ලුණු ප්‍රශ්න අමතක කරන්න බොරු කතා සමාජයට ගේන්න එපා - සාගර කාරියවසම්
Friday, 24 January 2025 - 9:42 pm
හිටපු ජනාධිපති මහින්ද රාජපක්ෂට නිවසින් ඉවත් වන ලෙස ලිඛිත දැන්වීමක් පැමිණියහොත් ඉවත්වීමට කටයුතු කරනබව ශ්‍රී ලංකා පොදුජන පෙරමුණේ මහ ලේකම් සාගර කාරියවසම් පවසනවා.
හිටපු ජනාධිපති මහින්ද රාජපක්ෂගේ දරුවන්ට පියාව බලා ගැනීමට නොහැකි දැයි අමාත්‍ය වෛද්‍ය නලින්ද ජයතිස්ස සිදුකළ ප්‍රකාශය සම්බන්ධයෙන් අද (24) මාධ්‍ය වෙත අදහස් දක්වමින් ඔහු ප්‍රතිචාර දක්වා සිටියා.
නලින්ද ජයතිස්සගේ පියා සාමාන්‍ය පුද්ගලයෙක් වුවද මහින්ද රාජපක්ෂ යනු ලෝකයේ භයානක ත්‍රස්තවාදී සංවිධානයක් සමඟ යුද කළ නායකයෙක් බවත් එවැනි පුද්ගලයෙකුට ආරක්ෂාව සැපයීමට මහින්ද රාජපක්ෂ දරුවන්ට නොහැකි බවද ඔහු සඳහන් කළා.
හාල්, පොල්, ලුණු ප්‍රශ්න විසඳීමකින් තොරව එම ප්‍රශ්න මිනිසුන්ට අමතක කරවීම සඳහා වෙනත් බොරු කතා සමාජයට ගෙන නොඑන ලෙසත් ඉල්ලා සිටින බවයි බව ශ්‍රී ලංකා පොදුජන පෙරමුණේ මහ ලේකම් සාගර කාරියවසම් වැඩිදුරටත් ප්‍රකාශ කළේ.
.webp)
