ඩෙංගු මාරයාට සරසවි සිසුවියක් බිලි වෙයි
Tuesday, 16 January 2024 - 7:37 pm
ඩෙංගු වැළඳී හොරණ රෝහලේ ප්‍රතිකාර ලැබූ 23 හැවිරිදි විශ්ව විද්‍යාල සිසුවියක් අද (16) උදෑසන මරණයට පත්වී ඇත.
මෙසේ මරණයට පත් වී ඇත්තේ මානෙල් උයන, මාපුටුගල, පෝරුවදණ්ඩ පදිංචි 23 හැවිරිදි හසිනි භාග්‍යා නැමති තරුණියකි.
පසුගිය 6 වන දින උණ වැලදීම හේතුවෙන් හොරණ දිස්ත්‍රික් රෝහල වෙත ඇතුළත් කර අංක 5 වට්ටුවේ දින 5ක් ප්‍රතිකාර ලබමින් සිට ඇති අතර පසුගිය 11 වන දින පසුව දැඩිසත්කාර ඒකකයට ඇතුලත් කර ඇත.
ඉන් පසු දැඩි සත්කාර ඒකකය තුළ කළ පරීක්ෂණ වලදී ඩෙංගු බව සනාථ වී ඇත.
ඒ වන විටත් ඇය ඩෙංගු රක්තපාත මට්ටමේ අසාධ්‍යව සිට ඇති අතර එසේ සිටියදී අද උදෑසන 10.30 දැඩිසත්කාර ඒකකයේදී තරුණිය මිය ගොස් ඇත.
මිය යන විට ඇය කොළඹ සෞන්දර්ය විශ්ව විද්‍යාලයේ පළවෙනි වසර ශිෂ්‍යාවක් වශයෙන් අධ්‍යාපනය ලබමින් සිට ඇත.
මේ පිළිබඳව පශ්චාත් මරණ පරීක්ෂණය අද (16) දින හොරණ හදිසි මරණ පරීක්ෂක සුමේධ ගුණවර්ධන මහතා විසින්සිදු කළ අතර ඩෙංගු රක්තපාත තත්ත්වය හේතුවෙන් සිදුවූ මරණයක් ප්‍රකාශ කලේය.
