Local

අධිවේගී මාර්ගවල ආරක්ෂාව රක්නා ලංකා සමාගමට

Friday, 15 March 2024 - 3:52 pm

අධිවේගී මාර්ගවල අභ්‍යන්තර ආරක්ෂක කටයුතු හා මුදා ගැනීමේ මෙහෙයුම් රක්නා ලංකා සමාගමට පවරා තිබෙනවා.

එම කටයුතු සිදු කළ පොලිස් විශේෂ කාර්ය බලකාය එම කටයුතුවලින් ඉවත් කිරීමට ආරක්ෂක අමාත්‍යංශය තීරණය කර තිබුණා.

ඒ අනුව 13 වනදා සිට රක්නා ලංකා ආරක්ෂක සමාගමේ නිලධාරීන් මාර්ගයේ ආරක්ෂාව සඳහා යොදවා ඇති බවත්, මේ සඳහා මාසකට රුපියල් මිලියන 12 ක් පමණ වැය කිරීමට සිදුව ඇති බවයි මාර්ග සංවර්ධන අධිකාරිය සඳහන් කළේ.

කෙසේ නමුත් මධ්‍යම අධිවේගී මාර්ගයේ මීරිගම හා කුරුණෑගල අතර කොටසේ ආරක්ෂක හා මුදා ගැනීමේ මෙහෙයුම් පළාත් පාලන ආයතන වෙත පවරා ඇති බවයි වැඩිදුරටත් සඳහන් වෙන්නේ.