Local

දේශපාලනික වශයෙන් මර්දනය කරලා තමන්ගේ දේශපාලනය කිරීමට උත්සාහ කරනවා නම් එය ඔවුන්ගේ බංකොළොත්භාවය - නාමල්

Wednesday, 22 January 2025 - 8:50 pm

ආණ්ඩු​ව ජනවරමක් ලබාදුන් මුවාවෙන් බය කරගනිමින් තර්ජනාත්මකව තමන්ගේ දේශපාලන භූමිකාව හැසිරවීමට උත්සාහ කරන බව පාර්ලිමේන්තු මන්ත්‍රී නාමල් රාජපක්ෂ පවසනවා.

දේශපාලනික වශයෙන් මර්දනය කර බය කර තමන්ගේ දේශපාලනය කිරීමට උත්සාහ කරනවා නම් එය ඔවුන්ගේ දේශපාලන බංකොළොත්භාවය බවයි අද (22) මාධ්‍ය වෙත අදහස් දක්වමින් මන්ත්‍රීවරයා සඳහන් කළේ.

හිටපු ජනාධිපතිවරයා නිවසින් ඉවත්වීමට අවශ්‍ය නම් කැබිනට් අනුමැතියක් ලබාගෙන ලිඛිතව දැන්විය හැකි බවත් ආණ්ඩුව නීතිය අතට ගෙන කටයුතු කිරිමට සූදානම් වන්නේ නම් එය එතරම් සුදුසු නොවන බවද ඔහු සඳහන් කළා.

ඉදිරියේදී කිහිපදෙනෙකු ඇතුළට දමන බවට ප්‍රකාශ කරන්නේ දේශපාලනය නොකරන ලෙස තර්ජනය කිරිමක් බවයි පාර්ලිමේන්තු මන්ත්‍රී නාමල් රාජපක්ෂ වැඩිදුරටත් ප්‍රකාශ කළේ.