Local

පොසොන් උත්සවය වෙනුවෙන් ආරක්ෂාවට නිලධාරීන් 8,000ක් යොදවයි

Tuesday, 03 June 2025 - 9:36 pm

අනුරාධපුරයේ මෙවර පොසොන් උත්සවය සඳහා පැමිණෙන බැතිමතුන් වෙනුවෙන් විශේෂ ආරක්ෂක වැඩපිළිවෙළක් ක්‍රියාත්මක කර ඇති බව වැඩබලන පොලිස්පති ප්‍රියන්ත වීරසූරිය පවසනවා.

ඒ අනුව මිහින්තලය හා අටමස්ථානය මුලික කොටගෙන එම වැඩපිළිවෙළ ක්‍රියාත්මක අතර, ඒ සඳහා පොලිස් නිලධාරින් 8,000ක් යොදවන බවයි වැඩබලන පොලිස්පතිවරයා සඳහන් කළේ.

ලබන 08 වැනිදා සිට ඔවුන් රාජකාරිවල යෙදවීමට නියමිත අතර, පොලිස් ජිවිතාරක්ෂක කණ්ඩායම්, රථවාහන හැසිරවීමේ නිලධාරින් සහ ආරක්ෂක කටයුතු සඳහා එම පොලිස් නිලධාරින් යෙදවීමට නියමිතයි.