Local

මුණුපුරා විසින් තල්ලු කිරීම නිසා සීයා මරුට

Saturday, 15 February 2025 - 9:05 pm

පරකඩුව ප්‍රදේශයේ නිවසක ඇතිවූ ආරවුලකදී තුවාල ලැබූ 73 හැවිරිදි පුද්ගලයෙකු මියගොස් තිබෙනවා.

මියගිය පුද්ගලයා, ඔහුගේ දියණිය, ඇයගේ සැමියා සහ දියණියගේ සැමියාගේ පළමු විවාහයේ දරුවෙකු ද සමග එකම නිවසේ පදිංචිව සිට ඇති බවත්, එම මුණුපුරා විසින් පදිංචිව සිටින නිවසේ අයිතිය ඉල්ලා ඔහුගේ පියා සමග ආරවුලක් ඇති කරගෙන තිබෙන බවයි සඳහන් වන්නේ.

මියගිය පුද්ගලයා එම ආරවුල බේරීමට යාමේදී මුණුබුරා විසින් තල්ලු කිරීම නිසා බිම ඇද වැටී තුවාල ලබා ඇති බවද, ඇහැළියගොඩ රෝහලට ඇතුළත් කිරීමේදී ඔහු මියගොස් ඇති බවද වාර්තා වෙනවා.

සිද්ධියට සම්බන්ධ සැකකරු අත්අඩංගුවට ගැනීම සඳහා ඇහැළියගොඩ පොලීසිය වැඩිදුර විමර්ශන සිදු කරන බවයි වැඩිදුරටත් සඳහන් වන්නේ.