Local

අණ නොතකා ධාවනය කළ මෝටර් රථයකට පොලීසියෙන් වෙඩි, දෙදෙනෙක් අත්අඩංගුවට

Friday, 24 January 2025 - 9:35 pm

අණ නොතකා ධාවනය කළ මෝටර් රථයකට පොලීසිය විසින් ඊයේ රාත්‍රියේ වෙඩි තැබීමක් සිදුකර තිබෙනවා.

කොළඹ උතුර කොට්ඨාස අපරාධ විමර්ශන කාර්යාංශයේ යතුරුපැදි කණ්ඩායම විසින් ග්‍රෑන්ඩ්පාස් ප්‍රදේශයේ දී ඊයේ (23) රථවාහන හදිසි සෝදිසියකට ලක් කර තිබූ අතර, එහිදී මෙම සිදුවීම සිදුව ඇති බවයි සඳහන් වෙන්නේ.

අණ නොතකා ධාවනය කළ මෝටර් රථයේ සිටි දෙදෙනෙක් අත්අඩංගුවට ගත් බවද පොලීසිය සඳහන් කළා.

රථය පරීක්ෂා කිරීමේ දී එහි තිබී නීතිවිරෝධී මත්පැන් ද සොයාගත් බවයි පොලීසිය වැඩිදුරටත් ප්‍රකාශ කළේ.