නාමයෝජනා සම්බන්ධව අධිකරණ ක්‍රියාමාර්ග ගෙන ඇති දේශපාලන පක්ෂ වෙත දැනුම්දීමක්
Wednesday, 16 April 2025 - 4:17 pm
පළාත් පාලන ඡන්ද විමසීම සඳහා භාර දෙන ලද නාමයෝජනා පත්‍ර ප්‍රතික්ෂේප කිරීම සම්බන්ධව අධිකරණ ක්‍රියාමාර්ග ගෙන තිබේ නම්, එම පෙත්සම්වල හා නඩු තීන්දුවල පිටපත් අදාළ දිස්ත්‍රික් මැතිවරණ කාර්යාල වෙත ලබාදෙන ලෙස මැතිවරණ කොමිසම දැනුම් දෙනවා.
ඒ අනුව අදාළ පක්ෂවල ලේකම්වරු හෝ බලයලත් නියෝජිතයින් හා ස්වාධීන කණ්ඩායම් නායකයින් වෙත මැතිවරණ කොමිෂන් සභාව විසින් මේ සම්බන්ධව දැනුවත් කර තිබෙන බවයි සඳහන් වන්නේ.
උප්පැන්න සහතික සාම විනිසුරුවරුන් විසින් සහතික කරනු ලැබීම් සහ ආණ්ඩුක්‍රම ව්‍යවස්ථාවේ 07 වන උපලේඛන යටතේ සිදුකළ දිවුරුම සම්බන්ධයෙන් ඇති වූ ගැටළු මත, විවිධ දේශපාලන පක්ෂවල සහ ස්වාධීන කණ්ඩායම් කිහිපයක නාමයෝජනා රැසක් ප්‍රතික්ෂේප වී තිබුණු අතර, මෙම නාමයෝජනා පත්‍ර ප්‍රතික්ෂේප කිරීමට එරෙහිව එම දේශපාලන පක්ෂ සහ ස්වාධීන කණ්ඩායම් අභියාචනාධිකරණය හමුවේ පෙත්සම් ගොනු කර තිබුණා.
ඒ අනුව එම පෙත්සම් විභාග කළ අභියාචනාධිකරණය විසින් අදාළ කොට්ඨාසවල තේරීම් භාර නිලධාරීන්ට නැවත එම නාමයෝජනා පත්‍ර භාර ගන්නා ලෙස නියෝග කර තිබුණා.
අදාළ නිවේදනය පහතින්.
.webp)
