Local

ගංවතුර ක්‍රමයෙන් පහව යයි:.. ගංගාවලට බැසීමෙන් වළකින්න..

Monday, 14 October 2024 - 9:11 am

ගංගා ආශ්‍රිතව පවතින ගංවතුර තත්වය මේවන විට ක්‍රමයෙන් පහවයමින් ඇතිබව වාරිමාර්ග දෙපාර්තමේන්තුවේ ජල විද්‍යා හා ආපදා කළමනාකරණ ඒකකයේ වාරිමාර්ග ඉංජිනේරු සකුරා දිල්තාරා මහත්මිය පැවසූවාය.

අත්තනගලු ඔය,කලු,කැලණි ගිං ගංගා පෝෂක ප්‍රදේශ වලට පසුගිය පැය 24 තුළ සැලකිය යුතු වර්ෂාපතනයක් ලැබී නොමැත.

ඒ හේතුවෙන් යලි වැසි නොලැබුණහොත් ඉදිරි පැය 48 තුල බෝහෝදුරට ගංගා ජලමට්ටම් සාමාන්‍ය මට්ටමට ළඟා වනු ඇතිබව පැවසුවාය.

බැසයන ජල පහර ඉතා දරුණු බැවින් ගංගාවන්ට බැසීමෙන් වලකින ලෙස ඉංජිනේරුවරිය වැඩිදුරටත් පැවසුවාය.