ජනාධිපති කාර්යාලයේ වෘත්තීය සමිති සබඳතා අංශය මගින් සංවිධානය කරන 2024 අයවැය පිළිබඳ දැනුවත් කිරීමේ සම්මන්ත්‍රණ මාලාවේ 06 වන සම්මන්ත්‍රණය අද දින (21) කොළඹ අරලියගහ මන්දිරයේදී පැවැත්විණි.
පාර්ලිමේන්තු මන්ත්‍රී වජිර අබේවර්ධන, හිටපු අමාත්‍ය ආනන්ද කුලරත්න යන මහත්වරුන්ගේ ප්‍රධානත්වයෙන් පැවති මෙම සම්මන්ත්‍රණය සදහා දේශකයන් වශයෙන් මහාචාර්ය අමින්ද මෙත්සිල පෙරේරා, ජනාධිපති වෘත්තීය සමිති අධ්‍යක්ෂ ජනරාල් සමන් රත්නප්‍රිය, මුදල් අමාත්‍යාංශයේ රාජ්‍ය මුල්‍ය ප්‍රතිපත්ති දෙපාර්තමේන්තුවේ අධ්‍යක්ෂ ජනරාල්, ආචාර්ය කපිල සී. සේනානායක, ශ්‍රී ලංකා මහ බැංකුවේ ආර්ථික පර්යේෂණ දෙපාර්තමේන්තුවේ නියෝජ්‍ය අධ්‍යක්ෂ ඊ.ජී.කේ. එදිරිසිංහ, ජනාධිපති කාර්යාලයේ ආර්ථික ස්ථායිකරණ ඒකකයේ අධ්‍යක්ෂ, කේ.කේ.අයි. එරන්ද යන මහත්වරු ඇතුළු මුදල් අමාත්‍යාංශයේ සහ මහ බැංකුවේ නිළධාරීන් පිරිසක් සහභාගී වුහ.
දේශපාලන සහ සිවිල් සංවිධාන ක්‍රියාකාරීන්, ව්‍යාපාරිකයන් සහ තරුණ ප්‍රජාව දැනුවත් කිරීම මෙම සම්මන්ත්‍රණයේ අරමුණ වු අතර එහි දී ජනාධිපතිවරයා විසින් මුදල් අමාත්‍යවරයා ලෙස “සවිමත් අනාගතයකට පෙරවදනක්” යන තේමාව යටතේ ඉදිරිපත් කල “2024 අයවැය” මගින් රාජ්‍ය සේවක වැටුප්, විශ්‍රාම වැටුප් වැඩි කිරීම, අඩු ආදායම්ලාභි ජනතාවට නිවාස, ඉඩම් අයිතිය, අස්වැසුම ලබාදීම ඇතුළු සාධනීය යෝජනා ගනනාවක් සම්බන්ධියෙන් දීර්ඝව කරුණු සාකච්ඡා විය.
මෙදින පැවති සම්මන්ත්‍රණය ජනාධිපති කාර්යාලීය වෘත්තීය සමිති සබඳතා අංශය මගින් සංවිධානය කරන ලදී.